Poslovne vijesti - Makedonija

Бројот на туристи во март намален за 13,5 отсто

Бројот на туристите во март 2010 година, во однос истиот месец лани е намален за 13,5 отсто, а бројот на ноќевањата е намален за 2,6 проценти.

Според податоците на Државниот завод за статистика, бројот на туристите во март 2010 година изнесува 26.389, а бројот на ноќевањата изнесува 57.255.

Бројот на домашните туристи во март 2010 година, во однос на март минатата година е намален за 12,9 отсто, а бројот на странските е намален за 14 проценти.

Бројот на ноќевањата на домашните туристи во март 2010 година, во однос на март минатата година пак, е зголемен за 10,7отсто, а бројот на ноќевањата на странските туристи е намален за 12,7 проценти.

Во периодот јануари- март 2010 година, во однос на истиот период од претходната година, бројот на туристите е намален за 14,2 отсто и тоа: кај домашните туристи има намалување за 16,,4 отсто, а кај странските има намалување за 12,1 проценти.

Во периодот јануари-март 2010 година, во однос на истиот период од претходната година, бројот на ноќевањата е намален за 8.9 проценти и тоа: кај домашните туристи е забележано намалување за 5,6 проценти, а кај странските намалување за 12,6 отсто.

Бројот на странските туристи во март 2010 година, во однос на претходниот месец, е зголемен за 11.2 проценти, а бројот на ноќевањата е зголемен за 9 отсто.